「聚光燈效應」— 你的一舉一動，其實別人不會太在意| Spotlight Effect

係心理學入面有一個概念係叫Spotlight Effect. 就係我地會覺得自己比一個spotlight照住自己，每行一步路都好似有人留意住自己既一舉一動，就好似有人監視緊你咁。但係事實上係冇人留意，冇人好集中注意緊你，因為周圍既人其實都係諗緊關於自己既野。

就好似當我地買左件新衫著，買左個新電話，或者一個好貴既鞋，我地行出街既時候，會覺得每一個人都望住自己對新鞋，自己部iPhone 11。或者係大學既project既時候做左少少錯既野，會覺得每個teammate都望實你做得差既地方。

但係其實上好多人都忙住自己既生活，專注係佢地做緊既野，所以我地係冇想像中咁受到其他人既關注。有時候我地做左少少錯既野，我地會因為係心理上有個Spotlight Effect，會好容易高估左其他人對自己負面既評價。

事實上係冇咩人會留意，就好似我咁，我可能係YouTube channel入面講錯左幾隻字，係IG story 串錯左幾隻字，雖然睇番既時候自己覺得好明顯，但係事實上如果唔特別提起既話，好少人會留意得到。

當我地知道Spotlight Effect依一個概念，我地可以減低少少自己既包袱，用依一啲懷疑緊自己會唔會比人批評既時間，去做一啲更有意義既野。