享受生活的關鍵 | Stop and Smell the Roses
我地係細個既時候會想時間過得快啲，希望可以早啲落堂，但係當我地慢慢變到大個，我地反而會想時間過得慢少少，希望可以有多啲時間享受生活。
其實年紀唔係依個轉變既原因，而係因為當我地個腦分析緊一啲自己已經熟悉既資訊，例如我地已經好熟悉自己既屋企環境，好熟悉點樣行去巴士站，等車，拍卡依一啲步驟，每日都行同一條路番工番學。
係我地去分析一樣自己熟悉既資訊既時候，會覺得時間過得特別快。所以正正就解釋左點解年紀愈大，會覺得時間過得特別快，或者疫情每一日都留係屋企依段時間一閉上眼就過，個腦會覺得每一日都係一樣，令到時間不知不覺咁走左。
如果想體驗多啲生活或者留多啲回憶比自己，令時間過得慢少少，其實最簡單，係番工番學既時候，試下行另一條路，試下一間新既餐廳，或者改下屋企既擺設。可能係中間你就會發現一間好鍾意既舖頭，發現到一間更加好食既餐廳，或者一條行得更快既路。
就好似係番我大學宿舍既時候，最多人行就係學校既主要通道番宿舍，但其實係重有好多方法，就好似穿過啲課室搭lift，再行番宿舍，又可以行斜路，再行捷徑番宿舍。我就係行斜路既時間見到學校原來有好多動物，貓又有狗野豬又有，重成日係度叫。
當我地係生活入面加呢一啲新既體驗，我就地可以留一啲好獨特既回憶比自己，令我地感覺生活過得更加慢，感覺更加多時間享受生活。
“The more familiar the world becomes, the less information your brain writes down, and the more quickly time seems to pass.”