閱讀 — 我們一直低估了的習慣 | My Regret of Not Reading Books Earlier

如果比我選擇，到依家為止有一個遺憾就係我20歲先開始睇書，書一直對我黎講係一件好悶既野，就好似大人tum細佬去做既一件事，但係事實上又好少大人會真係睇書，當然好難會提起我地既興趣。而當我好記得，岩岩升上大學year 3，係youtube聽到人講"Rich Dad Poor Dad"依本書好睇，就真係去睇下，有啲咩咁神秘，遲啲如果有機會想拍一條片關於"Rich Dad Poor Dad"既 book summary, Robert Kiyosaki 用既英文又簡單，佢分享既故事，同埋入面既內容就好似幫我開拓左個新世界咁。

作為一個普通人，我地冇可能一出世就識好多名人、或者有錢人，教我地點樣活出最好既人生，或者現實少少，點樣管理我地既錢，而書就正正可以比左一個途徑我地接觸依啲人。如果我由12歲已經開始睇書既話，一定可以帶到依家既我去到更遠既地方。