「兩分鐘定理」— 拖延症解藥 | 2-Minute Rule

好多時候，我地拖延既野都唔係好難做，就例如將個遙控器放番係電視機隔離，朝早摺好將被，我地其實係有能力做，但係我地總會搵到一啲原因去拖延依啲野一直唔做。

而2-minute rule就主要有兩個部分，第一，"If it takes less than two minutes, then do it"，就係指如果一件事係兩分鐘內可以做到，就即刻去做，如果我地將枱面既垃圾用兩分鐘扔左佢，將睇完既電腦放番落電腦袋，覆一段email，慢慢堆積上去，我地可以完成既野就會變到好多。

第二，"When you start a new habit, it should take less than two minutes to do." 即係當我地建立新既習慣既時候，用兩分鐘內既行動去開始。 例如將去做gym，變左著一套運動裝備。睇完一本書，變左睇一頁書。 就好似就好似牛頓定理一樣，"Objects at rest tend to stay at rest, objects in motion tend to stay in motion."

只要有一個開始既動力，就更加容易有動力去完成成件事。

係我第一次聽2-minutes rule 既時候都唔會覺得有咩特別，但係慢慢發現，只要用兩分鐘去坐落一個舒服既位置，打開一本書，就可以帶黎下一個鐘既成功，雖然依個方法未必適合你，但都好值得一試。