人生中的第三道門 | The Third Door
The third door, 作者ALEX BANAYAN係書入面提到人生就好似一個夜店，總會有三個方法走入去。
第一道門就係夜店既大門，有99%既人都會係大門排隊等，希望有機會可以入到去。
而第二道門就係VIP既入口，就係一啲富翁、名人，同埋一出世就好有身份地位既人入去既地方。
而好少人會提及既就係第三道門，就係要係條隊跳出黎，係夜店外面周圍搵，見到門就用力拍，打爛個窗，甚至去到廚房混熟個廚師偷偷地入去，總會有一個方法行得通。
依個正正就係點解Bill Gates可以賣得出自己第一個軟件，同埋史提芬史匹堡可以成為荷里活入面，一個最年輕既電影導演，因為佢地都用左第三道門。
我重記得我係大學讀一個programming course既時候，有一個朋友由一開始去到考試，對個course教既野都唔係好明，但係佢中間不斷落堂拉住個professor，不斷約professor1對1咁教，不斷send email比professor，即使幾悶既tutorial都會上，但係去到考試前都只係熟課程既一小部分，認識既野一定唔會比其他人多。去到最後，出到黎份考試卷出既內容有好多都係professor一次又一次重覆教我朋友既野，最後佢拎左一個A。
可能上面個例子會有少少簡單，但係的確，主流既方法係其中一個方法去達到我地想要既成就，但當我地嘗試走出條隊，去發掘出一個自己好獨特既方法，總會搵到我地人生既第三道門。
“Don’t be the best, be the only one.”