5萬訂閱！多謝大家支持~
多謝大家一路以來嘅支持，你哋每一個comment，喺IG每一個DM，我好多都有睇到，你哋嘅每一句支持、每一句鼓勵，我都印象好深刻。
雖然好多時候YouTube Channel嘅主題都會圍繞住投資、股票，但係如果follow左我一段時間嘅朋友可能都會知道，其實除左投資外，我仲會想開發更多唔同領域，係過去試過出一啲書嘅分享，心態嘅分享，重有一段VLOG。其實好多時候都係一啲新嘅嘗試，亦都係紀錄左我生活入面嘅點滴，分享一下我點樣走過每一個難關。可能係香港會比較少人會分享一啲Personal Development (個人成長)嘅內容，但係我覺得係我地生活入面好重要嘅一部分。所以相信未來嘅片都會更加有價值，希望你地會鍾意啦！
係我地追求自己嘅目標嘅時候，一定會經歷過興奮、快樂、孤獨、失落。希望依個Channel未來嘅片，會鼓勵得到你繼續成長、比到一個方向你探索自己、重有走過每一個難關。
希望大家都會享受生活入面每一刻。
“Life before death, strength before weakness, journey before destination.”
如果你都想keep住更新我嘅近況嘅話，記得Subscribe去下面嘅Newsletter，我會定期係Newsletter更新大家，同埋更新最新嘅資源！